#柯豬姐與些莉妹 #生活日常
早上，幫兩姐妹換床單，順手拎埋包裹著床褥的防水墊去洗 (平時極少咁做) 。隔無幾耐，阿妹行出廳同我講：｢濕呀，濕咗呀｣，我以為佢去洗手整濕咗件衫，阿媽不以為然。到兩個姐妹食完早餐，我行入佢地房時發覺阿妹張床濕晒，原來係佢頭先拎咗我枝蒸餾水自己開蓋飲(我有特登擰實但都被佢開到) 同倒咗⅓枝水落床。。。
下午，眼見飯廳的即熱水機就快無水，我由廚房拎兩大樽水準確幫部機入水。入完第一樽水後用毛巾抹水跡的時候聽到身後有嘢冧咗splash一聲，原來係阿妹推冧咗第二樽水，就係咁1.7L的凍滾水散落飯檯、椅和地下，滴滴滴。。。
夜晚，晚飯前同兩姐妹沖涼，沖完家姐沖阿妹，幫阿妹除片片之後順手拎埋去丢，就喺我行開大約3秒後阿妹 veevee，喺地下。。。
些莉妹一日內跣我三鑊，嬲到跳錶，但我竟然㩒得住道氣無打佢 patpat，好叻呀我覺得自己。
😭😭😭😭😭😭
Search